Maria nia jornada lideransa: Lori mudansa no hametin komunidade sira

© OIT

© OIT

VIQUEQUE, Timor-Leste (Notísia OIT) - Iha aldeia hakmatek Uma Uain Kraik, ne’ebé mak iha Viqueque, Timor-Leste, hela Maria Evangelina, inan ida ho tinan 44, ho oan na’in haat. Maria nia moris hanesan testamentu ba reziliénsia no dedikasaun. Nia sempre sai membru ativu ida hosi nia komunidade, serbisu maka'as atu hadi'a nia família nia moris.

Cooperativa de Creditu Union Tane Malu (CCU TM), ne'ebé signifika "ajuda malu", harii iha tinan 2021 no aumenta ona hosi membru na'in 20 ba na'in 41, ho membru feto na'in 28 no mane na'in 13. Nu’udar tezoreira CCU Tane Malu nian iha tinan haat ikus ne’e, Maria jere finansa kooperativa nian no servisu hamutuk ho membru sira hodi navega kompleksidade jestaun kooperativa nian.

Liuhosi Programa Abilidade Agrofloresta ba Empregu no Reziliénsia ne'ebé finansia hosi UE, implementa hosi OIT, nia hetan selesaun nu'udar ko-formadora ne'ebé responsavel ba lansa formasaun Abilidade Agrofloresta nian ba membru kooperativa sira kona-ba tópiku sira inklui jere finansa família nian no kria produtu oioin hosi nuu. Ninia lideransa, konfiansa, no abilidade komunikasaun nian halo nia sai kandidatu ideál ba knaar ida-ne'e.

Nia deskreve esperiénsia ne'e hanesan fó kbiit, hasa'e nia konfiansa ko'alia iha públiku no hasa'e nia abilidade atu apoia nia membru kooperativa sira.

Maria nia jornada kooperativa hetan transformasaun bainhira nia envolve iha Formasaun Jestaun Kooperativa Agrikultura ba Formadór sira hosi 7-11 Abril 2025 ne'ebé organiza hosi OIT ba projetu Abilidade Agrofloresta nian. Formadór Mestre sira hosi Sentru Formasaun Internasionál/International Training Centre (ITC) OIT nian iha Turin ekipadu jestór kooperativa ho abilidade sira ne'ebé presiza atu jere kooperativa agríkola sira ho efetivu no, importante liu, dezenvolve sira nia abilidade atu fó formasaun ba ema seluk.

Formasaun Jestaun Kooperativa Agrikultura sai hanesan mudansa ida ba Maria. Formasaun ne'ebé fornese ferramenta sira ne'ebé nia presiza atu lori mudansa pozitivu iha nia kooperativa no komunidade. Nia deskreve esperiénsia ne'e hanesan fó kbiit, hasa'e nia konfiansa iha ko'alia iha públiku no hasa'e nia abilidade atu apoia nia membru kooperativa sira. Treinamentu ne’e kobre aspetu esensiál sira kona-ba jestaun kooperativa, hadi’a servisu ne’ebé oferese ba membru sira, hasa’e propriedade no kompromisu membru sira-nian, no ikusmai hadi’a sira-nia moris.

© OIT

© OIT

Maria nia jornada partikularmente notavel haree ba kontestu Timor-Leste nia kultura predominantemente patriarkál. Feto sira iha Timor-Leste dala barak hasoru dezafiu signifikativu iha oportunidade lideransa no dezenvolvimentu karreira no lori todan boot liu kona-ba responsabilidade família nian. Maski ho barreira sira-ne'e, no ho apoiu hosi nia família, Maria envolve tomak ona ho formasaun no mosu nu'udar lider no modelu ba feto sira seluk iha nia komunidade.

Nia fiar katak abilidade no koñesimentu ne’ebé hetan hosi formasaun sei la’os de’it fó benefísiu ba nia maibé mós sei iha impaktu ne’ebé dura ba nia komunidade. Hodi fahe formasaun ba membru kooperativa sira seluk, Maria envizia futuru ida iha ne'ebé kooperativa buras, no nia membru sira goza meius subsisténsia ne'ebé di'ak liu. Bainhira husu kona-ba nia esperansa no mehi sira, nia hatete, “Ha'u nia esperansa úniku mak ha'u nia oan sira sei hetan susesu hotu, hetan moris di'ak, no sai independente”.

Maria sai hanesan fontes esperansa no kbiit nian iha Viqueque. Ninia istória mak testamentu ida kona-ba potensiál ba mudansa pozitivu bainhira ema ida-idak hetan oportunidade atu aprende no buras.

Hodi fahe formasaun ba membru kooperativa sira seluk, Maria envizia futuru ida iha ne'ebé kooperativa buras, no nia membru sira goza meius subsisténsia ne'ebé di'ak liu.