UE no OIT entrega Silindru Rua ba Kontratór Timor Oan, no Fó ba Traballadór Matadalan ba Protesaun Kontra COVID-19 Foun

Embaixadór Uniaun Europeia iha Timor-Leste, Andrew Jacobs, entrega Silindru (Rolos de Compactação) ba kontratór nain tolu husi Munisípiu Viqueque. Kontratór sira ne’e dadaun ne’e servisu hela ba konstrusaun no reabilitasaun ba estrada rurál iha ámbitu husi projetu ERA Agro-Florestál, hetan apoiu husi UE, implementa husi OIT. Kontratór sira ne’e maka hanesan kompaña Tula Ely, no joint-venture ida entre kompañia Lacaroma no Limfin Dargima.

Kompra ba Silindru rua ne’e posível tamba grasa husi "mecanismo avançado de pagamento antecipado de equipamentos". Mekanismu ne’e fornese asesu ba ekipamentu mekániku sira ne’ebé ho kualidade diak, oferese husi ajuda finansiamentu ba kontratór sira.

Projetu ERA Agro-Florestal iha objetivu atu fasilita asesu ba merkadu sira, fatin agro-florestál sira no, iha tempu hanesan, atu hasa’e kapasidade kontratante lokál sira liu husi sira nia servisu hadia dalan sira. No iha tempu sira Surtu COVID-19, ne’e importante atu traballadór sira hado’ok an husi vírus ne’e, nune’e ohin ami fó sai matadalan konabá oinsa atu prevene nia propagasaun no oinsa atu proteje traballadór sira&rdquo."

Andrew Jacobs, Embaixadór Uniaun Europeia iha Timor-Leste

Silindru ida sei hanehan rai, fatuk britas, sementi no asfalt iha konstrusaun estrada no fundasaun sira. Akizasaun ba makina rua ne’e bele ajuda halo lalais liu tan konstrusaun no reabilitasaun estrada sira. Makina sira mos bele ajuda aumenta kapasidade no abilidade husi operadór husi setór privadu sira.
Iha tempu ne’ebe hanesan, Uniaun Europeia no OIT disponibiliza kontratór no traballadór projetu sira ba matadalan konabá prevensaun no kontra propagasaun COVID-19.

“Silindru sira ne’e sei halo diferénsia bo’ot ba kontratór sira no ba komunidade iha área ne’ebé sira servisu ba, ne’ebé sei hare dalan sira sei hetan kompletu tuir tempu “haktuir embaixadór Jacobs. “Projetu ERA Agro-Florestal iha objetivu atu fasilita asesu ba merkadu sira, fatin agro-florestál sira no, iha tempu hanesan, atu hasa’e kapasidade kontratante lokál sira liu husi sira nia servisu hadia dalan sira. No iha tempu sira Surtu COVID-19, ne’e importante atu traballadór sira hado’ok an husi vírus ne’e, nune’e ohin ami fó sai matadalan konabá oinsa atu prevene nia propagasaun no oinsa atu proteje traballadór sira”.

Projetu ERA Agro-Florestal fó apoiu ba dezenvolvimentu setór privadu ida ne’ebé kualifikadu, ne’ebé bele ho diak atende ba nesesidade infrastrutura ba komunidade rurál. Estrada importante atu fornese ligasaun rekursu no servisu nesesáriu ba dezenvolvimentu ba agro-florestál no fornese mos koneksaun sira ho merkadu no indireitamente fasilita estudante sira nia mobilidade no servisu saúde sira ba komunidade rurál.

Projeitu Hametin Asesu Rural ba Agro-Florestál (ERA-AF) hanesan komponente husi Parseria ba Agro-Florestál ne’ebé sustentavel (Partnership for Sustainable Agro-Forestry - PSAF) entre Timor-Leste, Uniaun Europeia (UE), Organizasaun Internasional Trabalho (OIT). Nia objetivu principál maka atu kontribui ba dezenvolvimentu ida ne’ebé ho paz, inklusivu no sustentável iha Timor-Leste liu husi melloramentu asesu rurál, kriasaun empregu, oportunidade ba receita ekonómika no doméstika sira liu husi dezenvolvimentu agro-florestál no redusaun ne’ebé forte ba inseguransa ai-han no malnutrisaun iha área rurál sira.

Estrada 77kms iha área agro-florestal sira iha Baucau, Viqueque, Manatuto no Lautem sei konstrui liu husi projetu ERA Agro-Florestál ne’e. Kontratór 34 maka sei ezekuta, hodi fó servisu ba ema 5,000 liu, husi ne’ebé 30% feto. Feto sira nain ba kompaña (kontratór) ho númeru bo’ot liu husi metade ne’ebé selesiona ba kaer projetu. Serka husi dalan 55 kms mak fó ona ba kontratór 25 husi Baucau, Viqueque no Manatuto, no estrada ho 40 kms mak konstrui ona ne’ebé fornese servisu ba ema hamutuk 2,500.

For further information please contact: Paulo Santos, [email protected]