Organizasaun Internasionál Traballu (OIT) no Timor-Leste hasa'e sira-nia esforsu kolaborativu hodi promove oportunidade empregu

DILI, Timor-Leste (Notísia OIT) - Durante nia vizita ofisiál daruak ba Timor-Leste, Simrin Singh, Diretora Nasionál OIT Indonézia no Timor-Leste, hala'o sorumutu kortezia ho ofisiál xave governu nian atu promove promosaun empregu, dezenvolvimentu abilidade no governasaun merkadu traballu.

Ita rekoñese importánsia husi investimentu iha ekonomia verde no kriasaun empregu ne'ebé sustentavel. OIT nia esperiénsia téknika sei sai instrumentál hodi apoia polítika sira ne'ebé lori transformasaun ekonómika no asegura protesaun sosiál ba traballadór sira.

Francisco Kalbuadi Lay, Vise-Primeiru-Ministru, Ministru Koordenadór Asuntu Ekonómiku no Ministru Turizmu no Ambiente

Sorumutu kortezia prinsipál ne'e hala'o ho Francisco Kalbuadi Lay, Vise-Primeiru-Ministru, Ministru Koordenadór Asuntu Ekonómiku no Ministru Turizmu no Ambiente iha loron 5 fulan Marsu. Sorumutu ne'e nia foku prinsipál mak atu diskute kona-ba intervensaun sira OIT nian iha preparasaun traballadór no polítiku sira ba tranzisaun ida-ne'ebé justu no ekonomia formál. Intervensaun hirak-ne'e ho objetivu atu suporta diversifikasaun ekonómika, no mós promove produsaun no diálogu sosiál ne'ebé sustentavel ba ambiente.

"Ita rekoñese importánsia husi investimentu iha ekonomia verde no kriasaun empregu sustentavel," dehan Vise-Primeiru-Ministru Kalbuadi Lay. "OIT nia esperiénsia téknika sei sai hanesan instrumentu ida hodi apoia polítika sira ne'ebé lori transformasaun ekonómika no asegura protesaun sosiál ba traballadór sira."

Liu husi dezenvolvimentu polítika no kapasitasaun, ita suporta diversifikasaun ekonómika no mós promove produsaun no diálogu sosiál ne'ebé sustentavel ba ambiente ba futuru inkluzivu no reziliente.

Simrin Singh, Diretora Nasionál OIT Indonézia no Timor-Leste

Sorumutu ne'e mós ko'alia kona-ba kolaborasaun entre OIT no Diresaun Nasionál Alterasaun Klimátika hodi promove estratéjia empregu verde. Simrin subliña apoiu kontinua husi OIT atu aliña polítika traballu ho asaun klimátika sira hanesan parte ida husi kompromisu organizasaun nian atu ajuda Timor-Leste rezolve dezafiu empregu no harii ekonomia ida-ne'ebé sustentavel no inkluzivu.

"OIT iha Timor-Leste iha kompromisu atu prepara traballadór no polítiku sira ba tranzisaun ida-ne'ebé justu no ekonomia formál. Liu husi dezenvolvimentu polítika no kapasitasaun, ami tulun diversifikasaun ekonómika no mós promove produsaun no diálogu sosiál ne'ebé sustentavel ba ambiente ba futuru inkluzivu no reziliente," Simrin dehan.

© Lita Octavia/OIT

© Lita Octavia/OIT

OIT mós hasoru malu ho Rogerio Araujo Mendonca, Sekretariu Estadu Formasaun Profisionál no Empregu. Sorumutu ne'e hala'o iha loron 4 fulan Marsu, iha sorumutu ne'e ko'alia kona-ba implementasaun Programa Nasionál Traballu Dignu (DWCP) 2022-2025 no preparasaun faze foun DWCP nian.

Ami apresia apoiu kontinua husi OIT lori empregu no formasaun vokasionál iha Timor-Leste ba oin.

Rogerio Araujo Mendonca, Sekretariu Estadu Formasaun Profisionál no Empregu

Sekretáriu Estadu apresia kompromisu OIT nian atu fó apoiu ba promosaun empregu iha Timor-Leste liuhusi DWCP hodi dehan: "Ami apresia apoiu kontinua husi OIT lori empregu no formasaun profisionál iha Timor-Leste ba oin. Kolaborasaun kona-ba dezenvolvimentu abilidade no governasaun merkadu traballu ne'e importante tebes atu promove oportunidade traballu dignu."

Sorumutu sira-ne'e ko'alia liu kona-ba kolaborasaun produtivu entre OIT no Timor-Leste, ne'ebé sai Estadu membru OIT iha tinan 2003, hodi dezenvolve polítika empregu sustentavel no implementa reforma merkadu traballu nian ho objetivu atu alkansa traballu dignu ba ema hotu iha nasaun ne'e.