زیرِ زمین کوئلے کی کانوں میں صحت و سلامتی

پہلے دو ابواب ضابطۂ عمل کے مقاصد اور دائرۂ اطلاق سے متعلق ہیں۔ اس کے بعد کے دو ابواب قومی فریم ورک کے اندر مجاز اتھارٹی، ادارۂ معائنہ محنت، آجروں، کارکنوں اور ان کی تنظیموں، رسد فراہم کرنے والوں، مصنوعات سازوں اور ڈیزائنرز، اور ٹھیکیداروں کی ذمہ داریوں، فرائض اور حقوق، نیز پیشہ ورانہ صحت و سلامتی (OSH) کے انتظامی نظام، خدمات اور پیشہ ورانہ صحت و سلامتی سے متعلق رپورٹنگ کا احاطہ کرتے ہیں۔

ضابطۂ عمل کا حصہ دوم خطرات کی نشاندہی اور خطرات سے نمٹنے کے لیے ایک طریقۂ کار فراہم کرتا ہے۔

ضابطۂ عمل کا حصہ سوم زیرِ زمین کوئلے کی کانوں سے کوئلے کی پیداوار کے دوران عام طور پرپائے جانے والے مختلف خطرات کا احاطہ کرتا ہے، جن میں گردوغبار، دھماکے، آگ، پانی کا اچانک داخل ہو جانا، برقی خطرات، مشینری سے متعلق خطرات اور سطح زمین پر موجود خطرات شامل ہیں۔ ہر باب میں خطرات کی وضاحت کی گئی ہے، ان سے وابستہ خطرات کا جائزہ پیش کیا گیاہے اور خطرات کے خاتمے یا ان پر قابو پانے کے لیے رہنمائی فراہم کی گئی ہے۔ اس حصے میں کوئلے کی کانوں اور نقل و حمل کے نظام کے مناسب ڈیزائن اور دیکھ بھال، اہلیت اور تربیت، ذاتی حفاظتی سامان ، ہنگامی حالات سے نمٹنے کی تیاری، اور خصوصی تحفظ اور حفظانِ صحت سے متعلق امور کا بھی احاطہ کیا گیا ہے۔

ضمائم میں کارکنوں کی صحت کی نگرانی، کام کے ماحول کی نگرانی اور پیشہ ورانہ صحت و سلامتی کے انتظامی نظام کے قیام سے متعلق بین الاقوامی ادارۂ محنت کے متعلقہ معیارات سے ماخوذ معلومات شامل ہیں۔ ان معیارات میں وقتاً فوقتاً ہونے والی ترامیم اور تجدید کے مطابق اس ضابطۂ عمل کے برقی نسخوں میں دیے گئے حوالہ جات بھی مناسب طور پر تبدیل کیے جائیں گے۔ ضمائم میں خطرات سے واسطے کی حدود سے متعلق معلومات بھی شامل ہیں۔