Governu Austrália Suporta Empregu ba Joven sira iha Timor Lorosa’e

Dili, Timor-Leste: Fó oportunidade ba Juventude Timor oan sira atu hetan empregu, ne’ebe agora promove dadauk, ho lansamentu Programa Promosaun Empregu ba Juventude ka YEP. Populasaun Nasaun ne’e iha porsaun juventude kuaze pursentu haatnulu resin ualu (48 porsentu). Pelumenus joven rihun sanulu resin lima (15,000) mak hakotu ka husik eskola iha tinan – tinan, tamba la iha servisu mak naton ka sufisiente ba sira, nune’e númeru dezempregu sai aas liu too pursentu ruanulu resin tolu (23 porsentu). Iha área urbanu, aat tebes, liu – liu ba joven dezempregu sira, ho estimasaun pursentu haatnulu resin tolu (43 porsentu).

Programa YEP sei fornese oportunidade servisu to’o rihun hitunulu (70,000) ba joven feto no mane sira ne’ebe eskola no la eskola iha distritu tomak liu hosi orientasaun karreira, promosaun servisu – ba aan rasik no kriasaun empregu ho prazu – badak. Nune’e mos, Programa ne’e sei dezenvolve Planu Asaun Nasional kona – ba Empregu ba Joven sira no konstrui kompetênsia – bazeia ba sistema treinamentu vokasional ka formasaun profisional.

Sekretariu Parlamentar Australianu ba Asistênsia Internasional, Sr. Bob McMullan, involve mos iha lansamentu ba Programa Promosaun Empregu ba Juventude. Nia hateten katak “Fó oportunidade ba Joven dezempregu sira nu’udar lalaok importante ka vital tebes atu tulun resolve distúrbiu, no konstrui futuru ba Timor Lorosa’e.

Sr. McMullan hateten katak “Sentru sira hanesan ne’e sei fornese servisu bo’ot tebes ba joven dezempregu sira liu hosi fó treinamentu no orientasaun ba oportunidade empregu nian”. Kona – ba Sentru Karreira Juventude, nia ajuda mos atu loke iha Balide. Programa Promosaun Empregu ba Juventude ne’e implementa hosi Sekretária Estadu ba Formasaun Profisional no Empregu (SEFOPE) no Organizasaun Internasional ba Traballu (OIT), ho millaun hitu pontu tolu Dolares Australianu (A$ 7.3 million) hosi AusAID durante tinan haat nia laran. Programa ne’e reprezenta Governu Timor Lorosa’e ne’ebe atu fó servisu mak desente ka razoável ba joven sira iha asaun ida.

YEP nu’udar parte programa ida ho osan millaun ruanulu resin haat (A$ 24) ba suporte empregu, edukasaun no dezenvolve abilidade hosi AusAID, nu’udar Ajênsia Governu Australianu ba Dezenvolvimentu Internasional.

Atu hatene informasaun klean liu, bele kontaktu:

José Pereira
Ofisial Programa ba AusAID
Tel: +670 7231828
Email

Manuel Mesquita
Ofisial Media no Informasaun ba
Eskritoriu Programa OIT nian iha Timor-Leste
Tel: +670 7336675
Email