Relatoriu avaliasaun ba: Formasaun Profisional iha Timor-Leste 2007

Nivel edukasaun formal no literasia ba adultu sira nebee menus hamutuk tan ho kresimentu nebee lalais iha forsa traballu nian, aprezenta dezafiu boot ba dezenvolvimentu sistema edukasaun tekniku no formasaun profisional ida nebee komprensivu no relevante. DNFP haree ho luan liu kona-ba saida mak fornesedor formasaun sira tenke iha hodi bele asegura katak sira inklui mos programa hotu nebee apoiu dezenvolvimentu abilidade ba empregu ka produsaun rendimentu. Reve ne'e identifika fornesedor formasaun profisional hamutuk 39 no eskola sekundaria tekniku hamutuk 12. Maioria husi fornesedor sira ne'e iha Dili no liu sorin balun mak fahe ba iha sentru boot rua, Dili no Baukau. Laiha identifikasaun kona-ba fornesedor formasaun ka eskola sekundaria tekniku ruma iha Ermera no Viqueque. Fornesedor formasaun 39 ne'e fahe ona ba modelu haat; husi Organizasaun Laos Governu nian (OLG), Igreza, Governu no Privada. Fornesedor formasaun OLG no instituisaun Igreza nian responsavel ba 72 per cent husi formasaun profisional hotu nebee ihaTimor-Leste.