Levantamentu Forsa Traballu Timor-Leste 2010-2013-2016: Tendénsia prinsipál sira bazeia ba dadus armonizadu

HAFOIN tuir publikasaun Levantamentu Forsa Traballu Timor-Leste 2010 no 2013 Tendénsia Bazeia ba Dadus Armonizadu, iha desizaun atu hatutan série ne’e ho dadus hosi 2016 foti hosi Levantamentu Traballu Infantíl (LTI) ne’ebé hala’o tiha liuhosi Diresaun Jerál Estatístikas (DJE) iha 2016.

Timor-Leste hala’o tiha ona levantamentu forsa traballu rua iha 2010 no 2013, no iha 2016 Diresaun Jerál ba Estatístikas, Ministériu Finansas no Sekretáriu Estadu Formasaun Profisionál no Empregu/SEFOPE hala’o tiha ona Levantamentu Traballu Infantíl ne’ebé administra rua-hotu kestionáriu labarik nian ba labarik idade tinan 5 to’o 17 no kestionáriu adultu nian. Kestionáriu adultu nian inklui pergunta sira kona-ba estadu forsa traballu no karakterístika empregu no dezempregu nian hosi populasaun idade serbisu, no nune’e fornese dadus xave barak ne’ebé jeralmente hetan hosi levantamentu forsa traballu konvensionál. Levantamentu Traballu Infantíl 2016 nian mak konsidera nu’udar “mini Levantamentu Forsa Traballu” ida atu prodús estatístika forsa traballu komparavel ba LFT 2010 no 2013.