Туршилтын хөтөлбөрийн үр дүнгээс үзэхэд бүтээмжтэй хөдөлмөр эрхэлж орлогын баталгаагаа бүрдүүлэхэд малчдад тулгардаг бэрхшээлийг цогцоор нь шийдвэрлэх шаардлагатай байна. Нийгмийн хамгаалал, бизнес эрхлэх ухаан, ур чадвар хөгжүүлэх, хөдөлмөр эрхлэлтийг нэмэгдүүлэх ажлыг малчдын хоршоог дэмжих үйл ажиллагаатай хослуулах замаар төрөөс хэрэгжүүлж буй арга хэмжээний үр нөлөөг сайжруулах боломжтойг тус тайланд харуулсан байна.