Туршилтын хөтөлбөрт хамрагдсан орон нутгийн төлөөлөгчид хэрэгжүүлсэн үйл ажиллагаа, үр дүнгийн талаар, малчдын хоршоог чадавхжуулах, залуу малчдын мал маллагааны болон малын гаралтай бүтээгдэхүүнд анхан шатны боловсруулалт хийх ур чадвар, бизнесийн болон нийгмийн хамгаалын талаар ойлголт, мэдлэгийг нэмэгдүүлэх сургалт, тэдгээрийг үргэлжлүүлэн хэрэгжүүлэх боломжийн талаар танилцуулав. Семинарт оролцогчид залуу малчдын ур чадварыг хөгжүүлэх, сумын түвшинд бизнесийн зөвлөх үйлчилгээг бий болгон хөгжүүлэх, малчдын хоршооны хөгжлийг дэмжих, малчдын нийгмийн даатгалын хамрагдалтыг нэмэгдүүлэх, хөдөлмөр эрхлэлтийн үйлчилгээний чадавх, орон нутгийн зохицуулалтыг сайжруулах боломжийн талаар хэлэлцэж, цаашид хэрэгжүүлэх бодлогын болон үйл ажиллагааны зөвлөмжийг гаргав. Мөн малчдын хоршооны менежментийн чадавхийг бэхжүүлэх хүрээнд “Манай хоршоо-Хөдөө аж ахуйн хоршоог удирдах нь” сургалтын хэрэглэгдэхүүн, түүнийг түгээн дэлгэрүүлэх арга замын талаар хэлэлцэж, малчдын хоршооны алсын хараа, хөгжлийн загварын талаар санал солилцсон байна.