ខិត្តប័ណ្ណនេះត្រូវបានបង្កើតឡើងដើម្បីលើកកម្ពស់ការយល់ដឹងអំពីសិទ្ធិការងារដល់ពលករទេសន្តរប្រវេសន៍ក្នុងវិស័យនេសាទ និងកែច្នៃអាហារសមុទ្រ។ ខិត្តប័ណ្ណនេះក៏ជួយឱ្យពលករទេសន្តរប្រវេសន៍ដែលស្វែងរកការងារធ្វើនៅប្រទេសថៃក្នុងផ្នែកនេសាទ និងកែច្នៃអាហារសមុទ្របានយល់ដឹងអំពីសិទ្ធិ និងអត្ថប្រយោជន៍ទាំងអស់របស់ពួកគេ។

ខិត្តប័ណ្ណនេះផលិតឡើងដោយកម្មវិធីសិទ្ធិពលករនេសាទអាស៊ីអាគ្នេយ៍ ដែលជាគំនិតផ្ដួចផ្ដើមពហុប្រទេសរយៈពេលច្រើនឆ្នាំរបស់សហភាពអឺរ៉ុប (EU) និងអង្គការសហប្រជាជាតិ (UN) ដែលអនុវត្តដោយអង្គការអន្តរជាតិខាងការងារ (ILO) ដោយសហការជាមួយ អង្គការអន្តរជាតិទេសន្តរប្រវេសន៍ (IOM) និងកម្មវិធីអភិវឌ្ឍន៍អង្គការសហប្រជាជាតិ (UNDP) ។ គោលបំណងចំបងនៃគំនិតផ្ដួចផ្ដើមនេះ គឺដើម្បីលើកកម្ពស់ទេសន្តរប្រវេសន៍ប្រកបដោយមានសុវត្ថិភាព ប្រក្រតី និងការងារសមរម្យ សម្រាប់ទេសន្តរប្រវេសករទាំងអស់នៅក្នុងផ្នែកនេសាទ និងកែច្នៃអាហារសមុទ្រនៅតំបន់អាស៊ីអាគ្នេយ៍។