မြန်မာနိုင်ငံတွင် အလုပ်အကိုင်ခန့်ထားရေးကို ထိန်းသိမ်းကြပ်မတ်သည့် ဥပဒေမူဘောင်ကို မတူညီသည့် အရပ်ရပ်ဆိုင်ရာ ဥပဒေများ၊ စည်းမျဉ်းစည်းကမ်းများဖြင့် ချမှတ်ပြဋ္ဌာန်းထားသည်ကို တွေ့ရှိရပါသည်။ ၂၀၁၂ ခုနှစ်မှစ၍ အလုပ်သမားဥပဒေများအား ပြင်ဆင်ပြောင်းလဲမှုများကို အမြောက်အများ ပြုလုပ်လျက်ရှိကာ၊ ဥပဒေဟောင်းများကို ပြင်ဆင်ပြဋ္ဌာန်းပြီး၊ ဥပဒေသစ်များ ချမှတ်ပြဋ္ဌာန်းလျက်ရှိပါသည်။ ယနေ့အချိန်အထိတိုင် အလုပ်သမားဥပဒေများ ပြင်ဆင်ရေးဆွဲခြင်းကို ဆက်လက်ဆောင်ရွက်ဆဲ ဖြစ်သဖြင့်၊ ယင်းဥပဒေများကို မြန်မာနိုင်ငံနှင့်ဒေသတွင်းရှိ လက်ရှိစီးပွားရေးနှင့် အလုပ်အကိုင်အခြေအနေများနှင့် ကိုက်ညီစေပါသည်။ ခေတ်သစ်လူ့အဖွဲ့အစည်းအတွက် အိမ်အကူအလုပ်သမားများ၏ လူမှုရေးနှင့် စီးပွားရေးဆိုင်ရာ ထောက်ပ့ံကူညီပေးမှုများကို ထောက်ရှုပြီး၊ မြန်မာနိုင်ငံ၏ အလုပ်သမားဥပဒေများပါ အိမ်အကူအလုပ်သမားများ၏ လက်ရှိ အလုပ်သမားအခွင့်အရေးများနှင့် ကွာဟချက်များကို လေ့လာသုံးသပ်ရန်အတွက် အသင့်လျော်ဆုံးကာလ ဖြစ်ပါသည်။