ILO is a specialized agency of the United Nations

Irish Aid no Ministerio da Economia e Desenvolvimento: parseria foun ida ba dezenvolvimentu setor privadu iha Timor-Leste

Governo Timor-Leste fo importansia boot ba dezenvolvimentu setor privadu nebee diak. Partikularmente, Ministerio Economia e Desenvolvimento rekuñese katak Empreza Mikro no Kiik mak sei sai hanesan motor ba dezenvolvimentu nebee sustentavel no mos ba kriasaun emprego. Nunee Governo iha komitementu atu ultrapasa obstakulu no dezafiu hirak nebee empata ninia konsolidasaun no dezenvolvimentu.

Press release | 20 September 2010

Dili, 20 Setembro 2010

Governo Timor-Leste fo importansia boot ba dezenvolvimentu setor privadu nebee diak. Partikularmente, Ministerio Economia e Desenvolvimento rekuñese katak Empreza Mikro no Kiik mak sei sai hanesan motor ba dezenvolvimentu nebee sustentavel no mos ba kriasaun emprego. Nunee Governo iha komitementu atu ultrapasa obstakulu no dezafiu hirak nebee empata ninia konsolidasaun no dezenvolvimentu.

Ministerio Economia e Desenvolvimentu (MED) no Ajensia Dezenvolvimentu Governu Irlanda nian, Irish Aid, asina ona akordu ida nebee inisia ProjetuBusiness Opportunities and Support Services (BOSS), nebee Organizasaun Internasional ba Traballu (ILO) mak sei ezekuta durante tinan haat nia laran. Projetu nee sei apoia Instituto de Apoio ao Desenvolvimento Empresarial (IADE) no Diresaun Nasional de Desenvolvimentu Rural (NDRD) hodi bele haburas dezenvolvimentu ekonomia lokal, hametin prestasaun servisu Governu nian no kria emprego nebee iha kualidade iha area rural. Ida nee sei halao liu husi haluan asesu merkadu ba negosiu kiik, haforsa kontrator lokal no fo asistensia dezenvolvimentu negosiu nian.

Projetu BOSS ninia objetivu primeiru mak atu haluan merkadu ba negosiu kiik liu husi abordazen partisipatorio lokal. Ho intensaun ida nee, Projetu nee sei apoia implementasaun inisiativa Dezenvolvimentu Ekonomia Lokal (DEL) hodi garante asesu nebee diak liu ba merkadu ba produtu no asistensia lokal.

Asesu ba asistensia dezenvolvimentu negosiu nebee efetivu mak hanesan objetivu sigundu husi Projetu BOSS. Sentru Dezenvolvimentu Emprezarial iha Ministerio Economia e Desenvolvimento sei fo formasaun kona-ba jestaun negosiu no akkonsellamentu nebee baseia ba nesesidade empresariu sira nia no sei estabelese sistema informasaun no promosaun negosiu iha nasaun laran tomak. Hanesan rezultadu, emprezario kiik sira sei iha asesu liu tan ba oportunidade negosiu, merkadu foun, tenderizasaun projetu Governu no doador sira nian. Projetu BOSS sei fo konsentrasaun partikular hodi hadia kapasidade kontrator lokal hodi bele implemeta projetu governu nian efetivamente hanesan reabilitasaun infraestrutura iha area rural.

Projetu BOSS iha ninia total orsamentu Euro 5,850,000 (US$ 7,758,624) no fundu hotu mai husi Irish Aid.

Atu hetan informasaun liu tan, bele kontaktu:

IADE: Sr. Hernani Viterbo da Costa Soares
Phone: + 670 7274299

NDRD: Sr. João Francisco dos Reis Amaral
Phone: +670 7235627

IRISH AID: Sr. Eoghan Walsh
Phone: +670 3324880

ILO: Sr. José Assalino
Phone: +670 7271001

Tags: local economic development

Unit responsible: ILO Country Office for Indonesia

This content is available in
English 
A A+A++  Print  Email
close

Email

Irish Aid no Ministerio da Economia e Desenvolvimento: parseria foun ida ba dezenvolvimentu setor privadu iha Timor-Leste

To

Email address:
Separate multiple addresses with a comma (,)

Your details:

Your Name:
Your Email:
Send
Share this content
© 1996-2014 International Labour Organization (ILO) | Copyright and permissions | Privacy policy | Disclaimer